İran öz astronavtını kosmosa göndərmək niyyətindədir, lakin bu məsələdə Tehranın digər ölkələrin köməyinə ehtiyacı olacaq.

Bunu İranın Rabitə və Texnologiyalar naziri Məhəmməd Cavad Azəri şənbə günü Ümumdünya Kosmos Həftəsi münasibətilə keçirilən mərasimdə deyib.

O, ölkəsinin kosmosla bağlı araşdırmalarının ABŞ-ı qəzəbləndirdiyini, buna görə də bir gecədə İranın kosmosla bağlı 3 qurumuna sanksiya tətbiq edildiyini bildirib.

Qeyd edək ki, bir ay bundan əvvəl ABŞ Maliyyə Nazirliyi İranın Kosmik Agentliyinə-Astronavtika Araşdırma İnstitutu, Kosmik Agentlik və İran Kosmik Tədqiqatlar Mərkəzinə sanksiya tətbiq edib. (Virtualaz.org)

tolishstan.com