‎Allahverdi Bayrami‎ - Tolışi Poeziya Толыши Поезија The Talysh poetry

AZ TOLIŞİM

Az tolışim, bandi zoəm,
Məhəmmədi handi zoəm.
Rost votedəm, az tolışim,
Çı Kadusi ğəndi zoəm.

Az tolışim, bırzə bəşim,
Təni həşim, kiyə vəşim.
Bəştə bobo Babək oso
Hınəm heste, ğıryətkəşim.

Az tolışim, dıyo çəşim,
Biyə honi çəşmə təşim.
Şodən mıni bə bul qıyə,
Oviku az alətəşim.

Az tolışim, bərəkəşim,
Təvəmən hest, ərəkəşim.
İ ruj bome, bəvindeyon:
Volkan oso az bebəşem,
Az tolışim, az tolışim!

MƏSUD MƏMƏDOV (Məsud Devrani)
(“Tolışi ərməğon”, Azərnəşr, Bakı-1993, s.85-86)