18:31 Nəriman Tolış : DƏMƏRƏSƏ TOLIŞ VAY | |
DƏMƏRƏSƏ TOLIŞ VAY
Həmə xalqonsə yole. Zıvonıj lap ğızıle. Əmmo jıqbızın lole, Çıkono oməy ım zay?— Dəmərəsə tolış vay! Çı bumi xıvand əve Im dıyo, ım band əve. Həməysə zumand əve, Heyıj ni bo vanq bekay, Dəmərəsə tolış vay! Xəbəj ni çı hestiku, Çı dışmeni, dustiku. Har çiy doydə dastiku, Mandə bo qıliz ebay, Dəmərəsə tolış vay! Şərədə ya xəyədə-- Yəni yasdə, vəyədə-- Toloədə, Qıyədə, Zıvondəj ni qəv okay, Dəmərəsə tolış vay! Ənkə bobo bə tolış. Moə tolış, pə tolış. Boçi lol bəj zə tolış? Zıvonı bə ğəvı kay... Dəmərəsə tolış vay! Votdəj: qıjı zoə qıj, Tolışi qəp jəydənij. Əğılı yol bedə bic Peş kardə çı qəvi kay-- Dəmərəsə tolış vay! Ni həni mını bıməs Məsəkəsən səmərəs. Şiri balə ço be pəs? Pəsiyən rə vaq baha, Dəmərəsə tolış vay! Bır bə bılanq mandəni, Kəxob mardə, zındəni. Vıni tıki vindəni Bo marde doəje ray, Dəmərəsə tolış vay! Nəriman Tolış 04-VI-2016 tolishstan.com | |
|
| |
| Total comments: 0 | |