Hər kəsin də bir sıra arqumentləri olub. Amma məncə bu təklifin tərəfdarları daha çoxdur, nəinki əleyhdarları. Mən də pasportlarımızda, kimliyimizi bildirən sənədlərdə "azərbaycanlı" əvəzinə "türk", "talış", "ləzgi" və s. yazılmasının tərəfdarıyam. Çünki "azərbaycanlı" vətəndaşlığı bildirir və Azərbaycanda yaşayan bütün millətlərin nümayəndələri azərbaycanlıdır. Fərqi yoxdur o türkdür, talışdır yoxsa hansı millətin nümayəndəsidir. Vətəndaş olaraq azərbaycanlıyıq, millət olaraq isə türk. Digər millətlər də öz adları ilə çağırılsın və yazılsın. Burada problemli, qəbahətli bir məqam görmürəm. Əksinə bunu təbii və normal bir proses sayıram”.