Tolışə-Mığonə məholədə jimon kardə ğurbinə həmvətənon! 27 sor bə nav ım rujonədə, aşişətiədə az de Fəxrəddin Abbasovi-Əboszodə ( Xıdo çə dəstgir bə vırondə roon okə, İnşallah!) de yolə norohəti de çəy rəhbərəti nıvıştə bə Tolışə-Mığonə Respublikə Konstutisiya akti muzakirə kardemone. Bə qoroş norohət bimon ki, çəmə millət, tolışə məholi odəmon bə ozodəti, bə ıştə hartərəfinə ixtiyaron soyb beşe mənən hozzo nin! De dılədoji kali maddondeyqış karde, navədə omə təsisə Xalq Məclisədə bə muzakirə bekarde alternativ variantonmon hozzo kardımone... Soveti vaxti vəzifondə bıə tolışon xəlvəti de Heydər Əliyevi əloqə oqəte, çı İrono omə xəbon, heydərpərəston bardə təxribat-təbliğatonən təhlil kardemone.