15:01 Çoko bınıvıştım eşği, vıliku? | |
| Çoko bınıvıştım eşği, vıliku? Şinə pə, votedəş peqət ğələmi Vəsf bıkə cohoni, eşği aləmi Zınemən pidəni az əçəy çəmi Çımı nıvıştəyım bəbe eliku Çoko bınıvıştım eşği, vıliku? Hışk bə Vətəni ru, Vətəni honi Bılbılon boğondə handənin həni Moledən, ni kardən şe-şe əməni Jedənsə əməni səyku, dıliku Çoko bınıvıştım eşği, vıliku? Şinə pə, fik bıdə millət məhv bedə Rostə ro beşedə oxoy səhv bedə Dürüston qətedən, ğatil əfv bedə Rəsə çi pıxedə, qətdən koliku Çoko bınıvıştım eşği, vıliku? Şinə pə, bı holi durum vardənim Mı ki, bə hiç kəsi zulum kardənim Tələ rıştedənim, anqul ğandənim Boçi dast kəşdənin çimı qıliku? Çoko bınıvıştım eşği, vıliku? Avarə nəvedən kuçondə zoon Qıybəkul bəmedən kəondə moon Okuşyəbun əğəm xeyzoni çoon Çəşo eşuryedə ars çəy yoliku Çoko bınıvıştım eşği, vıliku? Şinə pə, bə lovəm ,tı, bıməs mıni Ə conon to zındəm az bəştə coni Hamsiyəm təyə nun , hardəmbu şoni Berəxe əzınim çəy bəboliku Nıvışte zındənim eşği, vıliku Çoko bınıvıştım eşği, vıliku? Aqşin Dadaşzadə | |
|
| |
| Total comments: 0 | |