17:36 HƏROMZODƏ . | |
| HƏROMZODƏ De duy ıştə vırə şin kardəkəson, Bımi- bəy şat be- be sin kardəkəson, Iştə rəğı- rişə qin kardəkəson... Noydən bə jələvni nom: həromzodə! Jıqonə odəmon muftəxor bedən, Bo pey şəkə bedən, bo jiy mor bedən. Rostəti məsədə quşdə kor bedən, Noydə bo həxi ro dom həromzodə. Pulış hest, molış hest, kardedə şoy- şoy, Joğbızın, pəredə de vəzifə voy. Məxloğ həmə zındə ta umrı oxoy, Bəne merdi jiyə kom həromzodə? Çəy ıştə bobiyon bə ro şedən dəy, Çı xəlği dılədə oqəye- oqəy. Vey bə fik şedəm ki, sıvo ıştə kəy, Konco pekardəşe şom həromzodə? Bıboən koncosə çe vey kəsi qəv, Bəyro davardedə de kefi ruj- şəv. Hakanə qəp jəydə ıştən- deştə əv, “Mavoji çımınən mom həromzodəy”. Məxloği xəş beyro zuy cəm kardəni, Zəmin dasto beşə- hiç ğəm kardəni. Tolışə zıvoni bəqəm kardəni, Milləti zınedə xom həromzodə. 08. 12. 2018. Xanəli Tolış | |
|
| |
| Total comments: 0 | |