Bə Zaxiraddin boli guş doyədə, odəmi bə panatırkon mardəyon rəhmət hande piyedəje. Əvon hiç nıbu bə tolışon separatçı votdən, ımən bo tolışi gorış vəcə sıxan ni. Har glə çokə tolış ıştə təbiətədə separatçıye, iştə keşvərıj piyedə. Əncəğ Zaxiraddin boli, deştə düyə şəron panatırkonıj ve gutədə haste, Mühacir hukmətıj de terror təşkilaton ivrədə ko karde, çəvonku maliyə səy təki ve yolə böhtanonıj, efirədə vote. Yəni tolışon teroristin, oxı puli tolışon doydən. İm bə dınyo təşkilaton gləy mesaj be ki, çı Tolışon Mühacir hukmət de çi məşğul bedə, yəni əvoni de lupə axtarış karde lazime. İm çı tolışon həxi müdafiə sədri votə sıxanon.